Hoxe podemos asegurar e achegar evidencias científicas que xustifican a Dieta Atlántica como unha dieta saudable.
Esta dieta é propia de Galicia e son recoñecidos como tales diversos pratos e alimentos das zonas limítrofes do océano Atlántico, é un patrimonio gastronómico que hai que poñer en valor.
Ourenstividad quere dar a coñecer as súas propiedades nutricionais e os efectos beneficiosos sobre diversas patoloxías como o sobrepeso, a diabetes… Temos excelentes produtos como pementos, grelos, castañas, tenreira, sardiñas… que con técnicas culinarias sinxelas farán as delicias da familia.
A dieta atlántica dos nosos devanceiros, baseada no peixe e na verdura, foi o modelo e debe seguir sendo, para acadar o noso obxectivo de LONGEVIDADE. Hoxe imos lembrar unhas palabras de Pablo G. Vivanco: Os grelos están cheos de propiedades!
A Dieta Atlántica revelou o seu potencial saudable hai uns anos. Nel inclúense os grelos, de enormes propiedades: “Lideramos o consumo de grelos en España, principalmente en Ourense”, sinala García Vivanco, que traballa nun equipo da Universidade de Santiago que analiza todas estas propiedades da dieta.
“Teñen moléculas chamadas glucosinolatos, poderosos antioxidantes, que actúan para previr certos tipos de cancro ou patoloxías relacionadas coa diabetes”, engade. As verduras Brassica, os cítricos, as bagas, o aceite de oliva ou a carne de calidade completan esta dieta. Ademais, o farmacéutico lembra que Galicia é a terceira comunidade autónoma en número de Indicacións Xeográficas Protexidas e selos de calidade alimentaria.
Autora: Cristina Conde