V Encontro de Verán de Asomega -

O 1 de agosto de 2025, en pleno corazón de Galicia, en Monforte de Lemos, celebrouse reunindo medicina, ruralidade e futuro no V Encontro de Verán de Asomega

Asomega é unha asociación sen ánimo de lucro cuxo propósito é aglutinar aos profesionais do ámbito da saúde de orixe galega ou que teñan lazos especiais con esta terra. Foméntase o contacto humano e profesional coas universidades galegas, así como o impulso da formación dos seus socios e a difusión do coñecemento científico baseado na evidencia.

Durante esta xornada abordouse a lonxevidade no rural galego e culminou coa entrega da IV Bolsa de Medicina Rural Asomega–SEMG. Foi punto de encontro, reflexión e celebración nun novo Encontro de Verán de Asomega. Unha cita que a Asociación de Médicos Galegos consolidou como referencia do verán sanitario galego, e que nesta ocasión virou ao redor de dous conceptos profundamente conectados: lonxevidade e ruralidade.

En palabras do seu presidente, Julio Ancochea, o evento foi “un acto de fe no noso modelo, nos nosos valores, en Galicia”. Durante a súa intervención institucional, Ancochea defendeu unha medicina “con raíces que, sen renunciar á innovación nin á tecnoloxía, non esquece que o primeiro diagnóstico faise cos ollos e o mellor tratamento, coa palabra”.

Comezouse a xornada cunha a mesa redonda “Lonxevidade e ruralidad”, moderada por Inmaculada Ramos, directora do Distrito Sanitario de Monforte de Lemos. Participaron nela Ramón Ares (xerente da área sanitaria de Lugo),Cristina Margusino (vicepresidenta de Ourensividad), Pilar Rodríguez Ledo (presidenta de SEMG), Albert Foo (presidente de SEMG Galicia) e José López Castro (Hospital de Monforte).

Os relatores compartiron reflexións e datos que convidan a repensar o papel da contorna rural na promoción dunha lonxevidade activa e saudable.

Así, Cristina Margusino vicepresidenta de Ourensividad, presentou un estudo realizado recentemente que investiga sobre o fundamento científico da lonxevidade sinalando como características clave para iso desde o punto de vista psicosocial:

sociabilidade e goce da compañía
estilo de vida activo e saudable
redes familiares e sociais sólidas
balance vital positivo
adaptación e resiliencia.

O acto continuo coa entrega da IV Bolsa de Medicina Rural Asomega–SEMG. O proxecto gañador, “Plan de Actuación Integral Saúde Natural do Macizo Central”, impulsado por Sonia Isela Trejos e Carlos Moral, propón unha intervención comunitaria baseada na colaboración interxeracional, o uso de recursos tradicionais, a promoción do exercicio adaptado e a implicación de distintos axentes locais. Unha proposta nada en Manzaneda e Chandrexa de Queixa que converte o desafío demográfico nunha oportunidade para construír benestar colectivo.