Baixo o título: “Los inmortales: en busca de la eterna juventud”, o programa “Equipo de Investigación” da canle “La Sexta” emitido o venres 24 de outubro de 2025, analizou o lucrativo negocio que se agocha tras a promesa da inmortalidade, onde cada vez máis persoas están dispostas a facer e pagar o que sexa para alongar as súas vidas.
O programa centrouse, por unha banda, naqueles que queren deter o envellecemento probando pílulas, transfusións ou patacas fritas e, por outra banda, en colaboración con “Ourensividad”, viaxou a vilas de Ourensía, onde a xente vive máis tempo sen comprar nada, onde a lonxevidade non é un logro que se alcance senón unha realidade que se practica.
Liderada por Gloria Serra, a investigación revela como a promesa de “vivir máis tempo” se converteu nunha marca global.